Naim Bardiqi deputet i Lëvizjes Vetëvendosje është parë nga mediat teksa ka dërguar një mesazh me mbishkrimin “po e zgjedhim sot karate”.
Në mesazh thuhet le të zgjedhet njëherë presidenti, pastaj “le të shohim çka thotë Kushtetuesja”.
Një ngjarje e tillë ka ngjallur reagime sepse Kosova gjindet në një situatë ku pozita e Presidentit ka tronditur komplet skenën politike.
I menjëhershëm ka qenë reagimi i deputetit të Lidhjes Demokratike të Kosovës Armend Zemaj.
“Kështu e kanë degraduar sektorin e shëndetësisë për vite me radhë: harakiri i barnave, harakiri i QKUK-së, harakiri i profesionistëve shëndetësorë, harakiri i tenderëve.
Këta kanë emër e mbiemër.”- thotë Zemaj në reagimin e tij.
Ndërsa gazetarja dhe panelistja e emisionit “Zanat”, Paulina Nushi ka komentuar Bardiqin dhe Zemajn si dy deputetë që u ka kërkuar publikisht të përballen për gjendjen e shëndetësisë në Kosovë.
“A ju kam thanë që “banorët” e mi të preferuar brenda Kuvendit të Kosovës janë Naim F. Bardiqi dhe Armend Zemaj. Bardiqi duhet me ble një shtresë privat të telefonit e Zemaj ishte epik me fjalën HARAKIRI.Shihemi në prajmin e rradhës 😝” thotë Nushi teksa ironizon me situatën.
Nga ana tjetër Bardiqi, ka komentuar mesazhet e tij në seancën e mbrëmshme për president duke i cilësuar si cenim i privatësisë dhe komunikim privat që nuk ka të bëjë me seancën e mbrëmshme.
