Presidenti i Kroacisë, Zoran Millanoviq, ka reaguar ndaj pretendimeve nga pala serbe se Kroacia, Shqipëria dhe Kosova po përgatiten për një sulm ndaj Serbisë.
Këto deklarata, Millanovi i ka cilësuar si të pabazuara.
“Kroacia askënd nuk e sheh si armik, dhe shpresoj që as ne askush nuk na sheh seriozisht si armik, përveç atyre që flasin marrëzira se Kroacia, Shqipëria dhe Kosova po përgatiten ta sulmojnë Serbinë. Me njerëz të tillë është vështirë të punohet dhe të ndërtohen marrëdhënie normale e miqësore, të cilat i synojmë”, tha Millanoviq.
