Rrugët tjera në rajonin e Ferizajt janë kryesisht të kalueshme, por shoferët rekomandohen të përdorin rrugët alternative.
Zëdhënësi i Policisë për rajonin e Ferizajt, Kanun Veseli, ka njoftuar se segmenti në fshatin Sojevë, në aksin rrugor Ferizaj–Gjilan, mbetet i mbyllur për qarkullim për shkak të grumbullimit të ujit në rrugë.
Rrugët e tjera në rajon, përfshirë qytetet Ferizaj, Kaçanik, Shtime, Shtërpcë dhe Hani i Elezit, janë kryesisht të kalueshme. Policia ka udhëzuar shoferët që të përdorin rrugën alternative: Ferizaj – Mirosal – Gjilan dhe anasjelltas.
Veseli ka bërë apel për kujdes, duke theksuar se rrugët nëpër fshatra janë të kalueshme, por kushtet e vështira atmosferike dhe sasia e madhe e borës kërkojnë shpejtësi të përshtatur dhe respektim të sinjalizimit rrugor.
