Ish-komandanti i UÇK-së komenton letrën e Thaçit: “Fajin e ka vetëm pse është gjallë”.
Ish-komandanti i Ushtria Çlirimtare e Kosovës, Ramë Buja, ka komentuar deklaratat e ish-presidentit Hashim Thaçi, i cili po përballet me gjykim në Hagë.
Buja është shprehur se, sipas tij, nëse Thaçi nuk do të ishte gjallë, ai tashmë do të ishte shpallur hero disa herë.
“Tri herë do ta shpallnin hero po të mos ishte gjallë”, ka deklaruar ai, duke iu referuar edhe letrës së Thaçit ku ky i fundit kishte thënë se “kam faj vetëm pse jam gjallë”.
Ai ka shtuar se ndikimi i Thaçit do të mbetet i madh, duke theksuar se figura e tij vazhdon të ketë peshë në opinion, pavarësisht zhvillimeve gjyqësore.
