Ritchie Torres, kongresisti amerikan, është shprehur “thellësisht i shqetësuar” nga dhuna që shpërtheu “ndaj protestuesve në Shqipëri”.
Në një postim në X, Torres shkroi se veprimet e Policisë së Shqipërisë “duhet të marrin fund”.
“Jam thellësisht i shqetësuar nga shpërthimi i dhunës ndaj protestuesve në Shqipëri. Veprimet e ndërmarra nga Policia e Shqipërisë janë të papranueshme dhe duhet të marrin fund. Shqiptarët kanë të drejtë të protestojnë në mënyrë paqësore, policia duhet ta respektojë të drejtën e protestuesve për të protestuar dhe duhet ta ruajë sundimin e ligjit”, shkroi ai në X.
