Ministri i Kulturës, Sportit dhe Rinisë, Blerim Gashani, ka mohuar raportimet se ka hequr fotografinë e presidentes Vjosa Osmani.
Sipas Gashanit, ky lajm është dezinformatë.
“Qytetarë të dashur,
Po qarkullon kjo dezinformatë që po e shihni më poshtë.
Dua t’ju siguroj të gjithëve se kjo natyrisht se nuk është e vërtetë dhe bashkë me stafin tim jam duke e përgatitur padinë kundër kësaj gazete dhe kundër mediave që po e shpërndajnë këtë përpjekje për baltosjen e institucionit të Ministrisë së Sportit dhe Rinisë si dhe të personalitetit tim.
Dezinformatat, shpifjet, gënjeshtrat e sulmet me to, NUK KALOJNË.
Shihemi!” – ka shkruar Gashani.
