Meliza Haradinaj, ish-këshilltare e ish-presidentes Vjosa Osmani, ka shkruar një status, ku ka theksuar se ekziston një sinkronizim i VV-së me PSD-në për të sulmuar Osmanin.
Tutje, Haradinaj ka vlerësuar se afrimi strategjik i Osmanit me presidentin e ShBA-së, Donald Trump, u prit me rezistencë nga kryeministri Albin Kurti.
“Afrimi strategjik i Vjosës me Trump dhe kodifikimi i garancive amerikane në ligj për mbrojtjen e sovranitetit dhe integritetit territorial të Kosovës u prit me rezistencë nga KM Kurti, e jo me unitet. Pse? Sepse kjo aleancë e zhvendos qendrën e gravitetit nga ideologjia në siguri reale shtetërore, dhe kjo i prish llogaritë e atyre që ushqehen politikisht me konflikt të brendshëm dhe tension të jashtëm” – ka shkruar Haradinaj.
