Kryeministri në detyrë, Albin Kurti, ka thënë se do të vazhdojnë bisedimet me partitë e tjera për arritjen e një marrëveshjeje politike dhe shmangien e zgjedhjeve të reja.
Kurti ka bërë të ditur se është në komunikim me liderët e partive të tjera dhe se do të përpiqet çdo ditë për arritjen e një marrëveshjeje.
“Jemi në komunikim edhe do të përpiqemi për çdo ditë që ta arrijmë marrëveshjen politike në mënyrë që t’i shmangim zgjedhjet e panevojshme, të paarsyeshme, sepse ato vetëm sa do të përsëriten. Pra u bëj thirrje edhe një herë liderëve të partive të tjera që të diskutojmë e të merremi vesh, sepse qytetarët e Republikës së Kosovës nuk duan zgjedhje, duan zgjidhje. E zgjidhja është marrëveshja politike”, ka thënë Kurti.
