Netanyahu shprehu mirënjohje për “mbështetjen e tyre të kahershme për Izraelin dhe qëndrimin e tyre të palëkundur kundër çdo forme të antisemitizmit”, raporton “The Jerusalem Post”.
Kryeministri i Izraelit, Benjamin Netanyahu, u takua në zyrën e tij në Jerusalem me presidenten e Republikës Srpska, Ana Trisiç-Babiç, dhe ish-presidentin Milorad Dodik, për të diskutuar marrëdhëniet dypalëshe dhe çështjet rajonale, bëri të ditur Zyra e Kryeministrit izraelit të mërkurën.
Sipas Zyrës së Kryeministrit të Izraelit, të dyja palët shprehën një synim të përbashkët për të thelluar marrëdhëniet dhe për të ndjekur bashkëpunimin në disa fusha.
Netanyahu shprehu mirënjohje për “mbështetjen e tyre të vazhdueshme për Izraelin dhe qëndrimin e tyre të fortë kundër çdo shfaqjeje të antisemitizmit.”
Dodiku është një figurë kontraverse dhe e sanksionuar nga BE-ja. Dodiku njihet për lidhjet me Vladimir Putinin, president autoritar i Rusisë.
