Eman Rrahmani, deputet i PDK-së, ka komentuar zhvillimet në Kuvend.
Ai ka shkruar dy statuse. Në të parin, Rrahmani ka shkruar se Shkëlzen Gashi dhe Rron Gjinovci janë fytya dhe forma e qeverisjes së Albin Kurtit.
Postimi i plotë:
E kam thënë edhe më herët, dhe kjo u dëshmua sot në Kuvend nga Vetëvendosje, me mosvotimin për të diskutuar rreth këtyre veprimeve.
Rron Gjinovci dhe Shkëlzen Gashi janë fytyra, zëri, vepra dhe forma e qeverisjes së Albin Kurtit. Agjenda që ka Lëvizja Vetëvendosje është materializuar në mënyrë konkrete te këta dy individë.
Sot në Kuvend, financuesja e ekspozitës, Albulena Haxhiu, dhe Vetëvendosje dolën në mbrojtje të ekspozitës, duke mos lejuar debat në Kuvend për këtë çështje.
Ndërsa në statusin e dytë, Rrahmani ka komentuar përplasjen e kryetares së Kuvendit, Albulena Haxhiut, dhe ministres Donika Gërvalla me kryetarin e AAK, Ramush Haradinaj.
Postimi i plotë:
Sot në Kuvend, fjalën e lirë e penguan dy financueset e propagandës së Shkëlzen Gashit, Donika Gërvalla, e cila ka financuar me 15 mijë euro, dhe Albulena Haxhiu, e cila ka financuar me 5 mijë euro.
Pra, nga njëra anë ndalin fjalën e deputetëve, ndërsa nga ana tjetër mbështesin Shkëlzen Gashin, librin e tij dhe ekspozitën.
