Veton Surroi, shkrimtar dhe publicist i njohur, ka shkruar një kolumne, ku ka interpretuar zhvillimet e fundit politike në Koosvë.
Në kolumnen e publikuar në KOHA, Surroi ka pasur një kritikë ndaj ish-presidentes Vjosa Osmani për dekretin për shpërndarje të Kuvendit.
Sipas Surroit, Osmani kishte bërë shkelje të rëndë të Kushtetutës, e cila shkelje nuk mori dënimin unanim në sferën publike.
“Më 6 mars, presidentja e vendit shpërndau Kuvendin, duke bërë shkeljen më të rëndë të Kushtetutës së Republikës së Kosovës deri më tani. Ky akt u vlerësua nga Gjykata Kushtetuese e Kosovës si i pambështetur në Kushtetutë, pra pa efekt juridik, por kjo nuk evitoi efektin politik, ngase një veprim i këtillë nuk mori dënimin unanim të sferës publike e të partive politike në veçanti” – shkroi Surroi.
