Martin Vulaj, përfaqësues të Këshillit të Marrëdhënieve Shqiptaro-Amerikane, ka qëndruar në një vizitë në Departamentin Amerikan të Shtetit, ku ka biseduar me zyrtarët përgjegjës në deskun e Kosovës, Shqipërisë dhe Maqedonisë së Veriut.
Vulaj ka theksuar se ka kërkuar vëmendjen e shtuar të ShBA-së në dialogun mes Kosovës dhe Serbisë.
“Duke riafirmuar se njohja reciproke mbetet politikë zyrtare e SHBA-së, AARC theksoi se ajo duhet të përcaktohet qartë si objektivi kryesor i dialogut” – ka shkruar Vulaj, ndër të tjera.
