Hysen Durmishi, deputet i VV-së, është përfshirë në debatin rreth ekspozitës në shesh të bazuar në librin e Shkëlzen Gashit mbi masakrat në Kosovë.
Durmishi ka bërë një pretendim publik rreth përplasjes me Gashin.
Durmishi ka pretenduar se ka përzënë nga zyrat e VV Gashin.
Postimi i plotë:
Për shkak të kësaj narrative të Shkëlzen Gashit, në vitin 2005, pas një përplasjeje të ashpër, personalisht e kam përzënë nga zyrat e Lëvizjes VETËVENDOSJE!.
Tendenca e tij për të deformuar historinë tonë dhe luftën e drejtë të UÇK-së ka rezultuar me përjashtimin e tij nga Lëvizja.
Është e papranueshme që ekspozita dhe vepra të tilla të marrin leje dhe të financohen nga institucionet tona
Deformime të tilla nuk janë thjesht të pavërteta, ato janë fyerje e rëndë për sakrificën tonë dhe vrasje e dytë për të gjithë ata që dhanë jetën për liri dhe çlirim.
