Menduh Thaçi, kryetar i PDSh-së, është paraqitur sonte në emisionin “Pressing” në T7.
Që në hyrje të emisionit, Thaçi e ka kritikuar ashpër Ali Ahmetin, kryetar i BDI-së.
Sipas Thaçit, Ahmeti u korruptua tërësisht.
“Zoti Ahmeti u gjend në një situatë të tillë vetëm e humbi kontrollin e atij idealit fillimisht, mëpastaj edhe të kontrollimit të brendshëm. Dhe ajo strukturë kryekëputë kaloi në shërbim të elitave intelektuale, të projekteve të akademisë së shkencave dhe tërësisht u korruptua” – tha Thaçi.
Tutje, ai përmendi një fakt që shpesh shmanget ose nuk theksohet me zell.
“Nëntë vite e tetë muaj pushtet me Nikolla Gruevskin dhe asnjë lëvizje milimetrike, jo më në çështjen e realizimit të të drejtave të shqiptarëve, por as në proceset integruese” – tha ai.
