E ngarkuara me punë në Ambasadën e Shteteve të Bashkuara të Amerikës në Kosovë, Anu Prattipati, ka komentuar veprimet e fundit të Qeverisë së Kosovës, që udhëhiqet nga kryeministri në detyr, Albin Kurit.
Në një intervistë për Kohën, Prattipati ka treguar se ështe e zhgënjyer më deklaratat e fundit të Kurtit.
“Jemi të zhgënjyer nga veprimet dhe deklaratat e fundit të kryeministrit në detyrë Kurti, të cilat kanë rritur paqëndrueshmërinë dhe pasigurinë në Kosovë. Këto veprime minojnë procesin politik, dobësojnë institucionet e Kosovës dhe përkeqësojnë tensionet ndëretnike” – ka theksuar Prattipati në një përgjigje për KOHËN.
Tutje, ajo ka treguar se janë duke e shqyrtuar përgjigjen.
“Ne jemi duke e shqyrtuar me kujdes përgjigjen tonë, por më lejoni të jem e qartë, çdo veprim që dobëson stabilitetin politik dhe ekonomik është një sfidë serioze për partneritetin tonë”, ka deklaruar tutje Pratipati.
