James Rubin, ish-diplomat dhe ish-asistent i sekretarit të Clintonit, do të dëshmojë javën e ardhshme në Gjykatën Speciale në Hagë. Ai njoftoi këtë gjatë një podcasti me gazetaren Christiane Amanpour.
“Do të jem në Evropë, sepse javën e ardhshme do të jap dëshmi në Tribunalin Special për krime lufte në Kosovë”, tha Rubin.
“Do të kthehem në të kaluarën dhe kam shumë për të thënë javën e ardhshme”, tha ai, duke paralajmëruar se do të ndajë më shumë në podcastin tjetër.
