Hysamedin Feraj, aktivist i VV-së, ka komentuar zhvillimet në PDK-në, e cila po kalon në një krizë, pas dorëheqjes së Bedri Hamzës nga funskioni i kryetarit.
Feraj ka vlerësuar se kriza e PDK-së nuk është e Kosovës.
Postimi i plotë:
Kriza e PDK-së nuk është e Kosovës!
PDK po përpiqet që konfliktet dhe sëmundjen e vet ndërmjet rivalëve për pushtet brenda partisë të ia mvesh gjithë shoqërisë!
Por ashtu,
– si brenda LDK-së konflikti zhvillohet rreth kush është rugovist,
– brenda PDK-së konflikti i brendshëm zhvillohet rreth kush është për dhe kush është kundër UÇK-së!
Konflikti është ndezur veçanërisht sepse veteranët e rremë duan të nënshtrojnë veteranët e vërtetë.
Meqë brenda saj ka më shumë të rremë, fajtorë moralë e financiarë, ka më shumë që iu duhet fjalor me bomba e më bombastik, piskama, përballë të të vërtetëve më modestë e më të matur.
Këta dy faktorë, të qenit shumicë dhe të qenit piskamë, i kanë dhënë epërsi krahut të të rremëve.
A do të fitojë piskama e ligë përballë modestisë së matur – mbetet të shihet.
Sido që të shkoj puna, ky është hall i PDK-së, jo i Kosovës!
Kosova dhe shqiptarët janë pro UÇK-së!
Dilema pro a kundër është problem vetëm i PDK-së
