Deputetja e PDK-së, Ganimete Musliu, ka ironizuar me mosparaqitjen e kryeministrit Albin Kurti në Prokurori, duke e krahasuar rastin me paraqitjen e Vali Corleones në Gjykatë.
“Kur Albin Kurti nuk paraqitet në Prokurori, pse duhet të paraqitet Vali Corleone në Gjykatë?”, ka thënë Musliu.
Me këtë deklaratë, ajo ka kritikuar atë që e konsideron standard të dyfishtë në raport me respektimin e thirrjeve nga institucionet e drejtësisë.
Musliu ka lënë të kuptohet se zyrtarët e lartë shtetërorë duhet të japin shembull në respektimin e institucioneve dhe procedurave ligjore.
