Kombëtarja e Kosovës është mposhtuar nga Austria në Vjenë në kuadër të xhiros së dytë të Ligës së Kombeve.
Rezultati final ishte 3:1 për Austrinë, duke bërë që Kosova të shijojë humbjen e parë në këtë garë.
Austria golin e parë e shënoi në minutën e 23-të të ndeshjes përmes David Affengruber.
Ndërsa Junior Adamu shënoi për 2-0 pak sekonda para se të përfundonte pjesa e parë.
Në pjesën e dytë, Carney Chukwuemeka shënoi për 3-0, pas një gabimi në mbrojtjen kosovare.
Kosova e zvogëloi epërsinë e Austrisë përmes Edon Zhegrovës, i cili shënoi nga pika e bardhë e penalltisë në minutë e 83-të.
