Partia Demokratike e Kosovës ka vazhduar edhe sot aksionin para ndërtesës së Qeverisë së Kosovës.
Deputetët e PDK-së janë vendosur sërish para hyrjes së objektit të Qeverisë, me synimin për t’ia bllokuar hyrjen kryeministrit në detyrë, Albin Kurti.
Lidhur me aksionin ka reaguar deputeti i PDK-së, Enver Hoxhaj, i cili i është drejtuar Kurtit me kërkesën që ta lirojë zyrën e kryeministrit.
“PDK nuk zbrapset. Liroje zyrën o deputet uzurpator”, ka shkruar Hoxhaj, duke iu drejtuar Albin Kurtit.
Aksioni i sotëm është vazhdim i veprimeve të PDK-së para ndërtesës së Qeverisë, në kuadër të kundërshtimit të saj ndaj situatës aktuale institucionale.
