Mijëra qytetarë në hapjen e shtabit të Izet Mexhitit në Çair
Në Çair sonte u mbajt hapja e shtabit zgjedhor të kandidatit për kryetar të Komunës së Çairit nga koalicioni VLEN, Izet Mexhiti.
Ngjarja u organizua në rrugën “Xhon Kenedi”, ku sipas organizatorëve morën pjesë mijëra qytetarë. Atmosfera festive dhe pjesëmarrja e lartë u cilësuan si tregues i mbështetjes për kandidaturën e Mexhitit.
Shtabi do të shërbejë si qendra kryesore e fushatës zgjedhore të VLEN-it në këtë komunë, ndërsa nga organizatorët u theksua se ky është një fillim i rëndësishëm i garës zgjedhore.
